Obradoiro de construción de Caixas–Niño

A Oficina de Medio Ambiente da UDC organiza un Obradoiro de construción de Caixas–Niño.

Continuando coa súa programación, dentro do Outono Ambiental na UDC, as bolseiras da OMA – UDC propoñen a realización desta actividade o martes 26 de novembro de 2013.

A Coruña, 21 de novembro de 2013.

            Esta actividade de construción de caixas niño para aves é unha continuación da realizada a primavera pasada onde se construíron caixas para morcegos. A intención é dar a coñecer a biodiversidade de pequenas aves que poden vivir no campus da UDC e facilitarlles un refuxio para criar ou pasar o inverno.

            Haberá unha conferencia sobre as aves e a continuación pasarase á parte práctica do obradoiro. A caixas construídas colocaranse en distintos lugares do campus, para que sexan usadas polas aves e nos permitiran facer un seguimento do seu uso.

           

Programa da xornada:

A actividade comeza ás 10:30h cunha charla informativa a cargo de Ramsés Pérez (ADEGA). Unha vez rematada a conferencia, comezará o obradoiro de construción de caixas niño. A actividade rematará ás 14:00h.

Lugar de realización:

Terá lugar no Taller de Maquetas, no Edificio de Departamentos da Escola Técnica Superior de Arquitectura da UDC.

                As prazas son limitadas, polo que é necesario inscribirse no seguinte correo:

Correo-e: oma3@udc.es

Mais información en:

Blog: http://medioambienteudc.blogspot.com.es/
Facebook: https://www.facebook.com/pages/Oficina-de-Medio-Ambiente-UDC
Twitter: https://twitter.com/OMA_UDC