Oficina de Medio Ambiente

Blog dedicado as actividades que realiza a oficina medioambiental da Universidad da Coruña

CAMBIO DE FECHA DO ENCONTRO SOLAR

O VI ENCONTRO SOLAR PÁSASE AO XOVES 3 DE MAIO debido as malas previsións meteorolóxicas!

Teremos o mesmo programa. Estaremos tamén pendentes da previsión do tempo: O luns 30 teremos a confirmación oficial de si se mantén a data ou se muda para o xoves 10 e así sucesivamente!

Sentimos as molestias ocasionadas e esperamos ter boas novas para a semana!



VI Encontro Solar da UDC


VI ENCONTRO FORNOS SOLARES
Aparcamento Xoana Capdevielle, Elviña.
Xoves, 26 de abril de 2017

Inscripción necesaria neste correo

Actividade en función da meteoroloxía, 
de non realizarse este xoves sería para o 3 de maio, 
de non ser posible para o vindeiro... e así sucesivamente
__________________________________________________________________________________________



Xa temos o sol acompañándonos e é por iso que estamos a argallar o VI Encontro Solar da UDC.

Será o xoves 26 de abril, se a climatoloxía nos acompaña ( CONFIRMACIÓN AQUÍ)

Gustaríanos moito contar convosco para esta celebración, que todos os anos festexamos cun xantar colectivo, no que xuntamos preto dun cento de cociñas solares, dándolle visibilidade ao aproveitamento desta enerxía limpa e inesgotábel, e tamén, á degustación de pratos variados, riquísimos!

Como foi nas pasadas edicións?:

Bótalle unha ollada ao Timelapse do V Encontro SolarCrónica do V Encontro solarFotos de outras edicións...

Para participar só tes que anotarte no correo oma2@udc.gal e indicar:

- se queres participar como persoa individual ou che gustaría traer a un grupo.
- se xa tedes forno, ou se precisariades del (para isto anotádevos canto antes porque os préstamos de fornos voan...!)
- tamén podedes construir o voso propio forno! con unha caixa de cartón, moi sinxelo e aínda mais barato! (arquivos adxuntos)

Que non tes forno solar? No apartado de bioconstrución da web do CIFP Someso, ou na revista CERNA, tes á túa disposición as instrucións para a súa construción. O custo aproximado deste tipo de forno é duns 3 a 5 euros se te fas con materiais recuperados e os reciclas. Unha vez teñas o material, xúntate con uns amigos e en tres horas podedes ter o forno listo. Tes aquí as ligazóns para aprender a facer un! 




Se tes calquera aparello que funcione coa enerxía solar, non dubides en participar na actividade! Despois farémosche un sitio no banquete que realizaremos entre todos! 

Un requisito é usar pratos, vasos e cubertos non desbotables. Non ten lóxica participar nunha actividade de aproveitamento de enerxía limpa, aforro de recursos e protección do medio ambiente consumindo unha grande cantidade de recursos e xerando unha montaña de residuos por semos preguiceiros para traer os pratos de volta á casa.

Na xornada tamén se fará unha visita guiada ao CITIC, un edificio da UDC que se alimenta de enerxía solar grazas ás placas fotovoltaicas da súa cuberta. Haberá unha mesa de experimentación e aprendizaxe de distintos aparellos solares e unha exposición itinerante "A Enerxía Solar" da man de ADEGA.

programa completo da xornada será o seguinte:

10:00h  Montaxe dos fornos, cociñas e exposición dos aparellos solares.
11:30h  Introducimos a comida nos fornos e cociñas.
12:30h  Enerxía solar fotovoltaica: Visita a cuberta CITIC guiada por  J.M. Giz, Técnico Superior de                mantementos da UDC. Punto de encontro: mesa da OMA, situada no Encontro Solar.
15:00h  Xantar colectivo e degustación de comida solar*.
16:30h  Recollemos.


Animádevos a aprender máis sobre a Enerxía e a Cociña Solar nun día de festa, con música de pinchadiscos solar da Escola de Imaxe e Son do CIFP de Someso.

E para quedar convencidas, convidámosvos a partir das 13:30h aos petiscos que vaian saindo dos fornos!!

Calquera cuestión, non dubidedes en contactar con nós.

Un saúdo ao Sol!

OMA-UDC

II Xornadas Internacionais de Educación Ambiental do CEIDA

Adxuntamos o link para acceder ao programa das II Xornadas Internacionais de Educación Ambiental do CEIDA!

Está cheo de charlas, conferencias e saídas ao campo que vos ponden interesar... e tamén se vai presentar o programa ambiental da UDC!

Será en Oleiros, dende o 23 ata o 28 de abril, con actividades tanto de mañá coma de tarde!

http://www.ceida.org/gl/formacion-gl/ii-xornadas-internacionais-de-educacion-ambiental-do-ceida

Residuos urbanos e o futuro de Nostián


Queremos recordar a conferencia "Residuos urbanos e o futuro de Nostián: mellores recollidas, máis reciclaxe" de mañá, 5 de abril, as 12:15 na facultade de ciencias!

Contamos para iso con María García, concexala de medio ambiente e de mobilidade sostible da Coruña, quen está moi ligada a planta de reciclaxe debido a que participou alí como educadora ambiental en diversas campañas.

Esperamos vervos!



V INTERNATIONAL CONGRESS ON ENVIRONMENT AND HEALTH IN THE AGE OF SUSTAINABLE DEVELOPMENT

Do 14 ao 16h de maio Santiago de Compostela vai ser sede do "V INTERNATIONAL CONGRESS ON ENVIRONMENT AND HEALTH IN THE AGE OF SUSTAINABLE DEVELOPMENT: “New challenges for the future of Galicia and the planet”

Cicais non vos soe de nada pero é unha cita a nivel mundial onde se analizarán temáticas sobre saude, medio ambiente, sostibilidade...

Eminencias de todos os recunchos do mundo e diversas marcas son as partícipes neste evento único, con toda clase de conferencias e exposicións.

Atoparedes toda a información na súa páx web: http://www.medioambienteysalud.com/

Adiantamos que É NECESARIA a inscripción, a cal son 90 euros e o prazo termina o 30 de abril.

Non perdades esta oportunidade!


Manchando as mans


Manchando as mans

As voltas das vacacións atopámonos cunha semana repleta de actividades!
  • Mañá 3/04: Pegada ecolóxica na Facultade de Ciencias da Educación, con Pedro Vega, de 11:30 a 14:00
  • Mércores 4/04: Proxecto ríos, enfrente da facultade de económicas, podendo escoller horarios: de 12-14 ou de 15-17 (NECESARIO INSCRIBIRSE EN oma2@udc.es
  • Xoves 5/05: Conferencia: "Residuos urbanos e o futuro de Nostián: mellores recollidas, máis reciclaxe", as 12:15 no salón de actos. Fac. Ciencias A Zapateira
Tamén seguimos coa recollida de firmas para a ILP Bosques, os horarios desta semana serán os seguintes:
  • 3/04: facultade de ciencias da educación, de 15:30-17:30
  • 4/04: facultade de económicas, de 11-13
  • 5/04: na escola de camiños de 16-18 e na facultade de socioloxía de 18-19
Por último ir destacando as actividades das vindeiras semanas! Onde seguiremos coa construcción dos fornos solares (martes, 10 de abril), teremos unha visita a nostián (martes, 17 de abril) e remataremos cun  novo encontro solar! (xoves, 26 de abril), pronto oiredes novas!


22 de Marzo, Día Mundial da Auga.

Coa conferencia ‘Auga e sustentabilidade ante a mudanza global’ a OMA facemos un chamamento á comunidade universitaria á importancia no uso responsábel da auga. 

Hoxe ás 12:45h, na E.T.S. de Camiños, Canais e Portos, da man de Fco. Díaz Fierros, teremos a oportunidade de aprender e debater sobre a problemática do recurso auga e como facer unha xestión sustentábel do mesmo.


O cambio climático acrecentará os problemas xa existentes de eventos extremos, enchentes e secas, polo que precisamos reducir o noso consumo de auga e facer un uso máis racional da mesma. 
Os organismos internacionais consideran 50 litros por persoa e día, os necesarios para unha vida digna. A pesar de que en moitos países non se chega a esta cantidade, en Galiza a media de gasto é de 124 L/persoa e día.

Nun día coma hoxe, convidámosvos a reflexionar sobre o noso gasto persoal de auga: empregamos a que necesitamos ou despilfarrámola?

Son os pequenos xestos do fogar os que marcan a diferenza, xa sexa pechar a billa mentres lavamos os dentes, poñendo aireadores nas nosas billas, empregando cisternas de dobre carga, non tirar lixo pola cisterna (milleiros de toalliñas chegan diariamente ás depuradoras, complicando enormemente a depuración das augas e atascando as tubarías). 
Hábitos sinxelos, que axudan a que o medioambiente sufra menos no día a día. Só fai falla vontade!

DÍA MUNDIAL DA ÁRBORE

Hoxe, 21 de marzo, primeiro día da primavera, celébrase o Día Mundial da Árbore e dos Bosques.
Desde a OMA aproveitamos o día de hoxe para dar a coñecer Cousa de Raíces, campaña á que nos sumamos recentemente e estamos a colaborar no apoio á ILP en defensa do bosque autóctono e a loita contra os incendios forestais. Estaremos até o 5 de abril en diferentes centros da UDC con mesas informativas e recollida de sinaturas en apoio a esta iniciativa.

Toda a información e calendario nas seguintes ligazóns:

https://www.facebook.com/CousaDeRaicesGZ/?ref=br_rs

Na OMA queremos dar a coñecer estas datas para concienciarnos de que os recursos naturais son cada día mais escasos e a biodiversidade se atopa ameazada. Unha plantación forestal de unha soa especie non é un bosque, un ecosistema con flora e fauna diversas características de cada lugar do planeta.

Medidas como as propostas pola ILP achéganse á poboación co obxectivo de reverter esta situación de destrución do bosque autóctono e a problemática dos incendios forestais en Galiza.
Deixámosvos como remate esta frase de Martin Luter King:

“Se soubera que o mundo remata mañá, eu, aínda hoxe plantaría unha árbore”

EDUCANDO PARA A SUSTENTABILIDADE II



SEGUNDA PARTE DE "EDUCANDO PARA A SUSTENTABILIDADE!

Este martes comezamos un novo ciclo coa construcción de fornos solares, impartida por Juan Bello. De 11 as 13, no pabellón de estudantes de Elviña, iremosvos guiando paso a paso para que fagades o voso propio forno! A segunda e derradeira clase impartirase o 10 de abril.
Para esta actividade necesitamos que traigades os materiais que xa vos comunicaremos (tranquilos, nada que sexa dificil de conseguir) e que vos inscribades en oma2@udc.es

O mércores 21, as 12:30, Soledad Muniategui (UDC) e Alfredo López (CEMMA) darán unha charla sobre o lixo plástico que se atopa no mar e que dana os ecosistemas, no salón de actos do CUR.

O xoves 22, as 12:45, Francisco Díaz Fierros, catedrático da USC, estará na escola técnica de camiños, canais e portos para falar de auga e da súa sostentabilidade no contexto de cambios no que nos atopamos.

Contamos con vós!



Foto de Oficina de Medio Ambiente UDC.




EDUCANDO PARA A SUSTENTABILIDADE

 EDUCANDO PARA A SUSTENTABILIDADE

Campus, casa, cidade: laboratorios do cambio


Entre marzo e xuño deste curso 2018 teremos a oportunidade de participar en diversas actividades contidas neste curso multidisciplinar, que se desenvolverá en diferentes centros da UDC.
Distribuído en tres eixos temáticos: Conferencias e debates, Obradoiros e Manchando as mans, o alumnado poderá escoller as actividades, os horarios e lugares de asistencia, para obter ao remate un certificado de asistencia e aproveitamento da UDC. Tamén se contempla a posibilidade de recoñecemento de créditos para os estudantes de grado da UDC.

O ciclo de conferencias está composto por diferentes temáticas de actualidade con poñentes expertos no tema a desenvolver: Cambio climático, Educación para a sustentabilidade, Residuos urbanos, Recursos mineiros, Plásticos e microplásticos, Auga e sustentabilidade…: Programación completa.

A primeira, o día 6 de marzo: Cambio climático: un desafío global e local, por Emilio Fernández Suárez, da Facultade de Ciencias do Mar, Universidade de Vigo. 


O bloque de Obradoiros distribuirase en 4 áreas temáticas:

1. A pegada ecolóxica. A pegada da auga. A contaminación acústica.
2. Uso sostible das TIC e ferramentas para a xeoreferencia participativa.
3. Auditoría da auga e auditoría de enerxía na casa e no centro.
4. Reciclaxe: Recollida separada residuos. Obradoiro de compostaxe.

Estas temáticas desenvolveranse nunha convocatoria de fin de semana no CUR, e tamén pola semana na Facultade de Ciencias da Educación (Elviña) e na Facultade de Ciencias (A Zapateira), como seguen:

- CUR (Riazor, en fin de semana) // Sábados 10 e 17 de marzo
Facultade de Ciencias da Educación (Elviña) // Os martes de 11:30-14h: 20 de marzo e 3, 10 e 24 de abril.
Facultade de Ciencias (A Zapateira)// Días 12-13-14 de xuño de 16 a 19:30 h

Toda a información e inscricións aqui, a participación é gratuíta, con inscrición previa e prazas limitadas.
O terceiro bloque do curso está composto por unha serie de actividades, co nome de Manchando as mans, poderase participar na Inspección de ríos, Limpeza de praias, Construción de fornos solares e tamén cociña no Encontro Solar, Visita á planta de residuos de Nostián... Toda a información, datas e inscricións aqui, a participación é gratuíta, con inscrición previa e prazas limitadas.
Consulta a ligazón do curso, infórmate por correo en oma2@udc.es, ou por teléfono no 981 167 000 Ext. 5626.
Anímate a participar e formarte na UDC sobre a sustentabilidade social e ambiental, temas de actualidade que nos afectan a toda a comunidade universitaria