A fundación mutua madrileña puxo en marcha este 2015/2016 os III Premios ao
Voluntariado Universitario, nos que a OMA e ADEGA participaron presentando o
proxecto de “Reforestación participativa no Monte da Fraga”. Có obxectivo de
recuperar e conservar a biodiversidade deste espazo natural, o grupo de
voluntariado levou a cabo actividades como a eliminación de plantas exóticas
invasoras, reforestación con especies de árbores autóctonas, plantación de
aromáticas, e creación de espazos dedicados á recuperación da fauna.
Houbo máis de 100 participantes neste concurso. O noso proxecto non foi
seleccionado entre os premiados, mais iso non nos desanima a seguir
traballando. A participación supuxo unha maior visibilidade da nosa actividade
máis aló da UDC, mediante a reprodución do vídeo que elaboramos na web da Mutua
Madrileña e no blog da OMA.
Así, neste curso seguiremos traballando no Monte da Fraga, intentando
transmitir unha maior sensibilidade ambiental á sociedade, sendo este o
obxectivo último das actividades realizadas pola OMA e ADEGA.
Podes ver o vídeo presentado pola OMA ao concurso na seguinte ligazón:
Tamén podes ver o proxecto premiado e os demais participantes na seguinte
ligazón:
http://www.premiosvoluntariado.com/candidaturas/
0 comentarios:
Publicar un comentario