Outro curso máis e coa colaboración da asociación ecoloxista ADEGA, a Oficina de Medio Ambiente da UDC participará o vindeiro venres 6 de xuño nunha limpeza simultánea de praias que terá lugar por toda a costa galega.
A nosa zona de actuación será a praia de Bastiagueiro Pequeno e a actividade dará comezo ás 17h rematando ás 19h. O punto de encontro será a porta de INEF (Facultade de Ciencias do Deporte e a Educación Física). Hai transporte público dende a estación de autobuses de A Coruña, con dirección Santa Cruz. Os horarios dos autobuses son regulares, e podedes coñecelos na seguinte ligazón:http://www.autoscalpita.es/images/horarios_acp.pdf
O obxectivo desta xornada de limpeza é o de denunciar e concienciar sobre a mala xestión dos residuos en Galicia, xa que cada ano 7 toneladas de residuos van parar ao mar, co dano ao ecosistema que esta situación provoca.
Así pois, a OMA convida a toda a comunidade universitaria a participar nesta actividade de concienciación ambiental.
Confirma a túa participación enviando un correo-e a oma3@udc.es
Se queredes consultar o resto de puntos de actuación podedes facelo dende aquí:
0 comentarios:
Publicar un comentario