CRÓNICA DA REFORESTACIÓN PARTICIPATIVA NO MONTE DA FRAGA POLA EIM ARELA
Sonia García Castro, Coordinadora Voz Natura na EIM Arela.
Esta primeira plantación
foi resultado dunha colaboración entre a Escola Infantil Municipal (EIM)
Arela e a Oficina de Medio Ambiente da Universidade da Coruña. Realizada
o 15 de marzo, a actividade enmarcouse dentro do Proxecto Voz Natura que
levan a cabo na EIM Arela.
Para a repooboación Arela plantou tres especies: loureiro común,
loureiro real e acivro. Na actividade participaron unha ducia de familias da
Escola Infantil Municipal Arela (tanto alumnos da escola como irmáns máis
maiores). Os pequenos gozaron moito da plantación e o día soleado tamén foi moi
propicio para poder realizala.
O obxectivo desta actividade, así como do
resto das que desenvolven dende a escola dentro do Proxecto Voz Natura é
familiarizar ós máis pequenos coa educación ambiental e concienciar tamén ás
familias na importancia de desenvolver hábitos de coidado e conservación do
medio ambiente xa na primeira infancia. Outras actividades nas que tamén
implican ás familias están relacionadas coa reciclaxe e a separación do lixo.
Máis información en: http://blogs.voznatura.es/eiarela/
0 comentarios:
Publicar un comentario