PRESENTACIÓN DO PROGRAMA GREEN CAMPUS UDC
Xoves 13 de marzo, 12:00 h, Salón de Actos, Facultade de Ciencias. Asistencia libre.
PROGRAMA GREENCAMPUS NA UNIVERSIDADE DA CORUÑA (UDC)
Coa participación de:
-
José Ramón Sánchez Moro, presidente de ADEAC-FEE
-
Amalia Blanco Louro, vicerreitora de
Planificación Económica e Infraestruturas da UDC
-
Direccións dos centros ETS Arquitectura, EU
Arquitectura Técnica, Facultade de Ciencias e Facultade de Ciencias da
Educación, e da Oficina de Medio
Ambiente da UDC
Primeira xornada de traballo GreenCampus-UDC
A Universidade da Coruña (UDC) ven de
asinar un convenio de colaboración coa Asociación de Educación Ambiental y del
Consumidor (ADEAC), como membro da internacional Fundation for Environmental
Education (FEE) para a
implantación dos procedementos de xestión ecolóxica baixo a bandeira verde
GreenCampus.
O próximo xoves 13 de marzo terá lugar
a primeira reunión de traballo tras a recente sinatura do convenio, na que
participarán as direccións dos catro centros
da UDC que inicialmente se incorporarán ao GreenCampus: ETS Arquitectura, EU
Arquitectura Técnica, Facultade de Ciencias e Facultade de Ciencias da
Educación, situadas no campus central de Elviña e a A Zapateira., xunto coa Oficina de Medio Ambiente da UDC.
Esta reunión de traballo contará ademais coa
participación de José Ramón Sánchez Moro, presidente de
ADEAC, e Amalia Blanco Louro, vicerreitora de Planificación Económica e
Infraestruturas da UDC. Tras esta reunión inicial, o equipo de ADEAC e da
OMA-UDC realizarán unha breve visita aos centros adheridos a este programa.
Ás 12 horas terá
lugar a presentación pública do programa GreenCampus, nunha charla-debate
aberta, que se celebrará no Salón de Actos da Facultade de Ciencias (A
Zapateira), na que se dará conta da metodoloxía e dos obxectivos do programa
GreenCampus na UDC.
Obxectivos e metodoloxía do programa
GreenCampus
A
Fundation for Environmental Education (FEE),
agrupa como membros a ONG de 65 países, e desde a súa fundación en 1982 ven creando e desenvolvendo programas internacionais como Bandeira Azul (Blue Flag), Xoves Reporteiros para o Medioambiente (YRE), Bosques na Escola (LEAF), Chave Verde (Green Key) ou Ecoescolas
(Eco-schools). No caso de Ecoescolas,
suma uns 38.000 centros educativos en
52 países, e conta co apoio
expreso del PNUMA. GreenCampus é
un novo programa que recolle a filosofía, metodoloxía e experiencia de
Ecoescolas, adaptada ás necesidades e problemática específica do ámbito
universitario.
A creación dun Comité
Ambiental, a realización de eco-auditorías, a elaboración dun Plan de Acción e
dunha declaración do compromiso ambiental, xunto co asesoramento, información,
comunicación e avaliación continua, son os elementos chave da metodoloxía do
GreenCampus.
Os obxectivos a acadar xiran arredor de dez áreas
de actuación: 1) optimización do consumo de auga e enerxía, 2) redución da xeración de residuos e
recollida separada, 3) atención preferente aos RAEE (residuos de aparatos
eléctricos e electrónicos), 4) contaminación atmosférica, acústica e lumínica,
5) mobilidade sostíbel, 6) alimentación saudábel, 7) biodiversidade, 8) compra
verde, comercio xusto e consumo responsábel, 9) participación, sensibilización
e voluntariado ambiental, e 10) ambientalización curricular da docencia e da
investigación.
0 comentarios:
Publicar un comentario