Blog dedicado as actividades que realiza a oficina medioambiental da Universidad da Coruña

Crónica. Identificación e cultivo de plantas aromáticas


O pasado día 12 de Febreiro ás 16:00h realizouse a actividade de “Identificación e cultivo de plantas aromáticas" na aula E1 da Escola Universitaria de Arquitectura Técnica. Dita actividade consistiu nunha primeira charla da man de Carolina Porto, licenciada en Enxeñería Agrícola pola Universidade de Santiago de Compostela e colaboradora de ADEGA.



A charla comezou cunha breve introdución histórica das plantas aromáticas e medicinais facendo un repaso do seu uso ó longo dos séculos e a súa evolución e transformación en produtos químicos tocando o tema da polimedicación á que estamos sometidos a día de hoxe. Tras este contexto histórico fíxose una recompilación das plantas aromáticas de maior uso facendo referencia ó tipo de solo que necesita cada unha así como ás súas necesidades solares e climas preferidos.

Continuamos a falar dos múltiples usos destas plantas dende a farmacoloxía ata a decoración pasando pola perfumaría e alimentación entre outros. Un dos cales, o referente ó uso agrícola, se ampliou considerablemente facendo referencia á súa aplicación como preparados para control de pragas, plantas insectarias, plantas protectoras, etc.

A charla rematou coa presentación do documental “La comida que pisamos” na que Josep Pàmies explica as características e propiedades das consideradas “malas herbas”.

A xornada expositiva rematou cunha serie de preguntas moi interesantes á nosa poñente permitindo a interacción de todos os asistentes.

Tras esta xornada expositiva realizamos a identificación e plantación de plantas. En grupos de 5 tratamos de asociar nome con planta e realizamos posteriormente a plantación das mesmas na mesa de cultivo. Utilizouse para dita plantación o compost xerado nos composteiros da Zapateira, pechando, unha vez mais, o ciclo dentro do marco da universidade.

A mesa de cultivo situouse finalmente na nova área de compostaxe da facultade de Aparelladores, completando á mesma e realizando unha breve presentación da mesma.




Share on Google Plus

0 comentarios: