Compostaxe na UDC. Proxección do documental Trashed
O próximo mércores 19 de
febreiro a Oficina de Medio Ambiente presenta a seguinte actividade do ciclo
de voluntariado ambiental, nesta ocasión relacionada coa temática dos residuos.
Primeiro
proxectaremos o documental Trashed, protagonizado por Jeremy Irons, documental
moi interesante que nos conta a problemática dos residuos, dos vertedoiros e
incineradoras do mundo civilizado.
Ao remate
abriremos un coloquio sobre a problemática dos residuos e posibles solución,
por ultimo visitaremos unha das solucións que aporta a universidade para
reducir os residuos que é o proxecto de compostaxe comunitaria. Os residuos
orgánicos de tres comedores universitarios son recollidos de xeito separado e
compostado no propio campus en tres áreas de compostaxe. Visitaremos a ultima
incorporación a este proxecto que é a área da Escola Universitaria de
Arquitectura Técnica que recolle os residuos da cafetería da mesma
O obxectivo desta actividade é dar a coñecer a compostaxe, que é
unha forma de reciclar a materia orgánica e reducir o volume de lixo xerado.
Isto contribúe á minimización da contaminación e dos problemas asociados á
xestión de residuos (cambio climático, dioxinas, ruídos...) e ademais, permite
pechar o ciclo da materia orgánica na natureza.
A actividade “Compostaxe na UDC” estará organizada da seguinte forma:
16.30 –
Salón de actos da Facultade de Ciencias
- Proxección de documental Trashed
Ficha técnica:
-
Charla-debate.
-
Visita á área de compostaxe da
Escola Universitaria de Arquitectura Técnica.
Animádevos a participar, resultaravos moi interesante!
Inscribídevos no correo oma3@udc.es !
Máis información:
0 comentarios:
Publicar un comentario