Xornada de voluntariado ambiental: Eliminación de flora exótica invasora
Data e lugar: 11 de decembro, 10:30 h, Fac. de Ciencias e Monte da Fraga.
O próximo día 11 de decembro a Oficina de Medio Ambiente da UDC xunto coa asociación ecoloxista ADEGA organizamos unha xornada de voluntariado ambiental de eliminación de flora exótica invasora no Monte da Fraga. Dita actividade fora posposta por mor do mal tempo.
O obxectivo desta actividade é o coñecemento das especies exóticas invasoras (EEI). Este tipo de flora fai que se perda unha gran parte da biodiversidade da nosa contorna.
Esta xornada de traballo comezará cunha charla introdutoria sobre a problemática no salón de actos da facultade de ciencias ás 10:30h, ao remate sairemos ao Monte da Fraga para comezar co traballo que rematará sobre as dúas da tarde.
Animádevos a participar, precisamos a vosa colaboración!
É importante que vos inscribades no correo oma3@udc.es para que poidamos preparar a ferramenta. No caso de non poder asistir á xornada completa, e queredes participar un tempo limitado, tamén podedes facelo: enviade un correo indicando a vosa dispoñibilidade.
En función da climatoloxía que se espere para ese día, cómpre que levedes calzado e roupa axeitada.
Máis información:
Twitter: @OMA_UDC
0 comentarios:
Publicar un comentario