REUTILIZACIÓN E RECICLAXE DE PAPEL
O próximo mércores 8 de maio terá lugar a próxima actividade da Primavera
Ambiental da UDC, que tratará da reutilización e reciclaxe do papel.
Data e hora: mércores 8 de
maio, 11:30 h
Lugar: Facultade de
Socioloxía, Seminario Fernández de Rota (3º planta).
Esta actividade ten como obxectivo divulgar ante a comunidade universitaria
a importancia da reciclaxe do papel e do consumo responsable do mesmo.
Comezaremos cunha breve explicación da campaña de aforro e reutilización de
papel que está levando a cabo a Oficina de Medio Ambiente
en diversos centros da UDC. Realizaremos dous tipos de actividades: por unha
banda elaboraremos papel reciclado a partir de papel usado; e pola outra
faremos os cadernos re-utiliza, é dicir, cadernos feitos con folios escritos só
por unha cara, procedentes tanto das caixas re-utiliza que están instaladas nos
centros como doados por diferentes departamentos da UDC, e encadernados con
espirais, tamén reutilizadas.
As prazas son limitadas, polo que se estás interesado en participar neste
obradoiro podes reservar a túa praza no correo electrónico da Oficina de Medio
Ambiente, oma3@udc.es.
0 comentarios:
Publicar un comentario