O pasado xoves 18 de
abril tivo lugar no río Lagar, no treito situado entre o Edificio de Servizos
Centrais de Investigacións e a Facultade de Economía e Empresa, no campus de
Elviña a inspección de primavera do
Proxecto Ríos, organizado pola Oficina de Medio Ambiente en colaboración con
ADEGA.
Un grupo de
voluntarios e voluntarias xunto co persoal bolseiro da OMA e Paco Bañobre, un
educador de ADEGA, levamos a cabo a inspección do río.
Proxecto
Ríos
O Proxecto Ríos é
unha iniciativa de concienciación, educación e participación cidadá en defensa
dos ríos de Galiza. Fundaméntase na realización de inspeccións do estado dos
ríos por parte de persoas ou grupos voluntarios a nivel local, co obxectivo
final de facerse responsábeis da vixilancia do río que pasa polo seu municipio
ou localidade. Máis info: http://www.proxectorios.org/
A inspección do Lagar
A actividade foi
seguida por un grupo de participantes, que se mostraron moi interesadas coas
explicacións obtidas e tiveron oportunidade de resolver todas as súas dúbidas.
Unha vez feita a
inspección xa sabemos a calidade do noso río. Os criterios que analizamos foron
os seguintes:
- A
calidade Hidromorfolóxica: observamos o bosque de ribeira, largura do río,
presenza de rápidos ou augas estancas… Podemos constatar que é unha zona con
unha forte presión antrópica.
- A
Calidade físico-química: medimos o PH, nitratos, Tª, osíxeno disolto e
transparencia. Todos estes parámetros deron resultados normais.
- A
Calidade biolóxica: identificamos os organismos marcroinvertebrados presentes
no punto de mostraxe. Cada familia ten asignada unha calidade dependendo se son
máis ou menos esixentes. Os macroinvertebrados presentes no treito pertencen ao
estado moderado, é dicir, con indicios de degradación do ecosistema,
principalmente por presión antrópica xa que está rodeado por dúas estradas e
edificios.
Os seguintes enlaces móstrannos máis fotos da
actividade:
0 comentarios:
Publicar un comentario