Ás
16 horas reunímonos na Praza de Pontevedra para facer en bicicleta o roteiro
até o Campus de Elviña na Universidade da Coruña. Fran García, da Asociación
Mobi-liza foi o encargado de presentarnos esta actividade na que participaron
10 persoas. Contounos algunhas das cuestións básicas á hora de circular pola
cidade coas nosas bicis (o lugar máis apropiado para circular, a circulación en
paralelo…), así como qué tipo de bici é a máis axeitada nestes casos. Respondeu
ás nosas dúbidas acerca da lexislación vixente, cuestións como a
obrigatoriedade do uso do casco ou de elementos refrectantes. Posteriormente
explicounos en qué ía consistir o roteiro que iamos seguir:
Aproximadamente 45
minutos despois chegamos ó Edificio Xoana Capdevielle en donde se impartía o obradoiro
de mantemento, ergonomía e reparacións básicas da bicicleta con grande
participación por parte tanto de estudantes como de persoas alleas á
Universidade. Moncho Vázquez, da asociación Mobi-liza, dividiu o obradoiro en
tres partes:
-
Ergonomía: en donde nos ensinou como axustar a altura da sela, a
posición do guiador e dos freos, para así poder ter a posición correcta na
bicicleta e non sufrir lesións.
-
Mantemento: ensinounos cómo limpar a cadea e
engrasala axeitadamente, cómo lavar a nosa bici para non estragala, e cuestións
como que un axeitado almacenamento da nosa bici mentras non a usemos é
fundamental para a súa conservación.
-
Reparacións básicas: neste grupo incluíase como reparar un
pinchazo e os fallos máis comúns dos freos e do cambio e cómo arranxalos.
0 comentarios:
Publicar un comentario