O pasado 15 de
febreiro deu comezo o curso Educando para a sustentabilidade, organizado
pola Oficina de Medio Ambiente, coa visita ao Parque Eólico Experimental de Sotavento. Este parque inaugurado no
ano 2001 é un referente na divulgación e educación enerxética en Galiza.
Na visita
explicáronos primeiro una breve historia do parque, dos muíños, dos
aeroxeneradores, e do seu funcionamento.
Sotavento é un
parque experimental no que hai 25 unidades técnicas diferentes para a obtención
de enerxía.
As enerxías
renovábeis representan só o 13% da enerxía total utilizada en España, e o 30%
da enerxía en forma de electricidade.
A continuación da
explicación visitamos a sala de control do parque, e o interior de un
aeroxenerador, para observar in situ as características técnicas.
A segunda parte
da visita centrouse no módulo bioclimático. Estas dúas partes estiveron
separadas por un descanso no que se aproveitou para experimentar as
posibilidades da enerxía solar facendo un chocolate quente nunha cociña
parabólica e tamén para conducir de primeira man un coche eléctrico.
Por último,
visitamos a vivenda bioclimática demostrativa que se atopa no parque. O seu
deseño, situación e adaptación ao terreo, tivéronse en conta os factores
climatolóxicos: radiación solar, exposición aos ventos predominantes,
temperatura ambiente e precipitacións, entre outros; e factores físicos como a
xeomorfoloxía do terreo, ciclo de vida dos materiais, construcións adxacentes e
proximidade a puntos de abastecemento. Así, os criterios fundamentais sobre os
que se asenta o deseño son: a sustentabilidade, o aforro e a eficiencia
enerxética.
- Programa completo do
curso Educando para a sustentabilidade: https://www.udc.es/gl/sociedade/medio_ambiente/curso/
- Aplicación para o
cálculo de eficiencias e consumos electrodomésticos (por Sotavento): http://www.sotaventogalicia.com/zona_interactiva/e_ficiencia_electrodomesticos/index.htm
- Alargascencia:
iniciativa de Amigos da Terra para buscar arranxo a electrodomésticos e
equipamentos de segunda man: https://www.alargascencia.org/es
0 comentarios:
Publicar un comentario