Na
primeira das xornadas, preto de unha ducia de voluntarias e voluntarios de
diferentes titulacións da UDC colaboramos na plantación con especies autóctonas
das fragas galegas. A segunda das xornadas non puido levarse a cabo, debido á
baixa inscrición e á mala previsión do tempo.
O
Monte da Fraga conta con unhas 4 hectáreas de superficie, que desde o ano 2006
están a ser xestionadas con criterios de sustentabilidade: mudouse o eucaliptal
que invadía a zona por especies propias dos ecosistemas galegos. Con esta
reforestación preténdese recuperar o bosque autóctono, ademais de facilitar a
investigación botánica que se pode desenvolver asociada á titulación de
Bioloxía, situada ao carón do Monte da Fraga.
A
área escollida para a reforestación foi a localizada na charca construída para
a mellora da biodiversidade e ecosistemas, que se atopa no camiño que une a
Facultade de Ciencias e a de Filoloxía. As especies escollidas para a
plantación foron alvedros (Arbutus unedo), 4 variedades de figueiras (Ficus
carica), e loureiros (Laurus nobilis). As dúas primeiras plantáronse
agrupadas (8 unidades en total), mentres que os loureiros se plantaron en liña
(23 uds.), co obxectivo de crear unha sebe de separación entre a estrada e esta
zona máis herbácea do monte. Escolléronse estas especies porque ademais de
seren autóctonas, son capaces de medrar en condicións extremas: soportan ben o
vento, as alturas e prenden fácil, condición importante neste terreo con unha
forte pendente.
A
continuación xuntamos o mapa da localización das plantacións e as fotos da
xornada:
0 comentarios:
Publicar un comentario