Blog dedicado as actividades que realiza a oficina medioambiental da Universidad da Coruña

Inspección RIO LAGAR

O próximo 19 de Outubro ás 15:30 h terá lugar a primeira inspección do curso 2016-17 do río Lagar, no Campus de Elviña.
A Oficina de Medio Ambiente, en colaboración con ADEGA e o Proxecto Ríos, organizan un ano máis este encontro de outono.

O Proxecto Ríos é unha iniciativa de concienciación, educación e participación cidadá en defensa dos ríos galegos. Fundaméntase na realización de inspeccións do estado dos ríos por parte de persoas voluntarias. Estas inspeccións realízanse dúas veces ao ano, en base á metodoloxía e materiais de apoio proporcionados polo Proxecto Ríos que axudarán a cumprimentar as Follas de Inspección. 

Realizarase unha avaliación pormenorizada atendendo a parámetros como o caudal, análise de augas (medición do pH, temperatura da auga, cantidade de O2 disolto...), estudo de fauna (mostraxe de macroinvertebrados) e flora (características do bosque de ribeira).

O principal fin é achegar a poboación ao contorno natural, concienciando da importancia de adoptar actitudes encamiñadas a protexer e mellorar o medio ambiente.  Ademais aprenderase a recoñecer a calidade biolóxica e fisicoquímica dos mesmos.

Data e hora: 19 de Outubro, 15:30 h.
O lugar de encontro será a entrada principal da Facultade de Economía e Empresas.
Prazas limitadas. Inscricións e cuestións en oma3@udc.es.

Máis información en www.proxectorios.org no noso  facebook ou tamén no twitter


Lembrade levar calzado axeitado e chuvasqueiro se chove algo, e botas de auga (opcional) para meternos no río. Se chove moito avisarase da suspensión da actividade. 





Share on Google Plus

0 comentarios: