O próximo 6 de Abril ás 15:30 h terá lugar a segunda
inspección do curso 2015 - 16 do río Lagar, no Campus de Elviña.
A Oficina de Medio Ambiente, en colaboración con ADEGA
e o Proxecto Ríos, organizan un ano máis este encontro de primavera.
O Proxecto Ríos é unha iniciativa de concienciación,
educación e participación cidadá en defensa dos ríos galegos. Fundaméntase na
realización de inspeccións do estado dos ríos por parte de persoas voluntarias. Estas inspeccións realízanse dúas veces
ao ano, en base á metodoloxía e materiais de apoio proporcionados polo Proxecto
Ríos que axudarán a cumprimentar as Follas de Inspección.
Realizarase unha avaliación pormenorizada atendendo a
parámetros como o caudal, análise de augas (medición do pH, temperatura da
auga, cantidade de O2 disolto...), estudo de fauna (mostraxe de
macroinvertebrados) e flora (características do bosque de ribeira).
O principal fin é achegar a poboación ao contorno natural, concienciando da importancia de adoptar
actitudes encamiñadas a protexer e mellorar o medio ambiente. Ademais
aprenderase a recoñecer a calidade biolóxica e fisicoquímica dos mesmos.
Data e hora: 6 de Abril, 15:30 h.
O lugar de encontro será a entrada principal da Facultade de Economía e Empresas.
Máis información en www.proxectorios.org
Lembrade levar calzado axeitado e chuvasqueiro se chove algo, e botas de auga (opcional) para meternos no río. Se chove moito avisarase da suspensión da actividade.
0 comentarios:
Publicar un comentario