Blog dedicado as actividades que realiza a oficina medioambiental da Universidad da Coruña

Primeira xornada do "CURSO DE VOLUNTARIADO, EDUCACIÓN AMBIENTAL E INTERPRETACIÓN DO PATRIMONIO NA UDC"


O pasado Luns 20 tivo lugar a primeira xornada do "Curso de Voluntariado, Educación Ambiental e Interpretación do Patrimonio na UDC" no cal se presentaron os actuais proxectos da Oficina de Medio Ambiente (OMA) como son: as áreas de compostaxe, a restauración do Monte da Fraga, a charca e as hortas urbanas. Tamén falamos da pegada ecolóxica, do programa de bicis da UDC e da importancia da utilización de papel reciclado. Explicamos cal é a labor do voluntariado ambiental e o seu importante papel na prevención de problemas ambientais.





Por último fixemos unha visita guiada polo Monte da Fraga, a charca e as áreas de compostaxe.
No curso contamos coa colaboración de Manuel Soto (director da OMA), María R.Lafuente (asociación ADEGA) e por último, Elvira Sahuquillo (experta en biodiversidade).





Moitas grazas a todos pola vosa asistencia e animámosvos a participar nas vindeiras actividades. 
A segunda xornada desde curso será o próximo luns 27 de outubro, baixo o título "Como pode comunicarse unha guía con éxito". Nesta xornada introducirédesvos na interpretación do patrimonio e nas técnicas para deseñar unha visita guiada. Constará de unha parte práctica no que visitaremos o campus. 
Esta xornada será impartida por Araceli Serantes (Boli) profesora de Educación Ambiental na UDC e socia da AIP (Asoc. Para la interpretación del Patrimonio).

Para apuntarvos tedes que enviar un correo a oma3@udc.es

Share on Google Plus

0 comentarios: