Proxecto Ríos. Inspección de primavera do río Lagar
Data: 29 de abril ás 16.30h
Punto de encontro: porta da Fac. de Economía e Empresa
O 29 de abril levarase a cabo a inspección de
primavera do Proxecto Ríos no Lagar, río que discorre polo campus. O treito
inspeccionado será o situado entre o Edificio de Servizos Centrais de
Investigacións e a Facultade de Economía e Empresa, no campus de Elviña.
En cada curso realizamos dúas inspeccións
para coñecer a calidade do noso río, xa fixemos a de outono e agora
realizaremos a de primavera. Nesta actividade contaremos con Paco Bañobre,
educador do Proxecto Ríos-ADEGA, que nos explicará a metodoloxía a seguir.
Achégate e colabora con nós na conservación
do ecosistema fluvial do campus. Tamén podes achegarte para coñecer este proxecto
de voluntariado e formar un grupo de inspección na túa zona ou no río que
escollas.
O Proxecto Ríos é unha iniciativa en defensa
dos ríos de Galiza, que permite coñecer e mellorar o estado dos distintos ríos
co obxecto de responsabilizarse destes, tanto a nivel local coma municipal.
Desde a Oficina de Medio Ambiente da UDC
convidámosvos a participar nesta actividade o próximo 29 de abril no río Lagar.
Máis información:
Facebook: Oficina de Medio Ambiente UDC
Twitter: @OMA_UDC
0 comentarios:
Publicar un comentario