O obradoiro
comezou ás 11 da maña cunha charla a cargo de Ramsés Pérez, integrante de
ADEGA, onde nos contou que as caixas niño tratan de servir de refuxio a aves e
a outros animais, nunha situación en que se está observando como desaparecen os
acubillos que lles proporcionaba a natureza. A destrución dos bosques
autóctonos, a introdución de monocultivos de eucaliptos e piñeiros e a retirada
das árbores vellas, xunto coa urbanización intensiva, son algunhas das causas
desta situación. Tamén nos explicou como construír unha caixa niño, e os
lugares onde debemos colocalas en función do tipo de animais que queiramos
beneficiar.
A continuación,
pasamos ao obradoiro de maquetas da Escola, onde en grupos de 2 ou 3 persoas tivemos
a oportunidade de construír as nosas propias caixas niño. Estas caixas están
pensadas para acoller os paxaros que habitan o campus da Zapateira e Elviña.
Algo no que nos insistiu moito Ramsés e que as caixas niño deberían ser
construídas con madeira maciza, pois é a máis axeitada para os animais.
O resultado
final foron 9 caixas niño. Como podedes ver, as caixas niño que nós construímos
están formadas por unha base, unha tapa traseira, dous laterais, unha tapa
frontal na que se sitúa o burato polo que van entrar os paxaros, e un tellado
que sobresae un pouco para diante para tratar de evitar que lle entre a auga ao
paxaro na súa casa.
Estas caixas
está actualmente penduradas das árbores do campus da Zapateira esperando os
seus primeiros visitantes.
Pero o traballo
non remata aquí, entre setembro e outubro (cando remate a época de cría e antes
de que chegue de novo o inverno) estas caixas deberán ser limpadas para
deixalas listas para os novos visitantes, pois non teñen por qué ser ocupadas
pola mesma especie de aves que o fixera antes. Desta forma eliminaranse os
posibles parasitos que puidera haber na caixa, evitando o seu contaxio aos
novos paxaros que a ocupen.
Por último, desde
a organización agradecemos aos participantes o seu entusiasmo, e a todos e
todas o voso interese neste obradoiro.
Para ver todalas fotos do obradoiro visitade:
0 comentarios:
Publicar un comentario