O pasado martes 23 de outubro un grupo de voluntarias e
voluntarios xunto co persoal bolseiro da OMA (Oficina de Medio Ambiente) e
Ramsés Pérez, educador de ADEGA, levamos a cabo a inspección do río Lagar,
situado no campus de Elviña.
Esta actividade foi organizada pola
OMA coa axuda do Proxecto Ríos que é
unha iniciativa de concienciación, educación e participación cidadá en defensa
dos ríos de Galicia, na que grupos de voluntarias e voluntarios realizan
inspeccións do estado dos ríos como mínimo dúas veces ao ano, unha campaña en primavera
e outra en outono, en base á metodoloxía e materiais de apoio proporcionados
polo Proxecto Ríos. Unha vez
recibidos os resultados da inspección na sede do Proxecto, elabóranse informes
anuais cos datos subministrados por todos os/as participantes nas distintas
campañas.
A nosa
xornada comezou ás 11 da mañá, cando recibimos una charla informativa acerca de
cómo se debía facer a inspección para máis tarde proceder a comprobar a calidade
físico-química (Temperatura, pH, nitratos, osíxeno disolto e turbidez) e
biolóxica (animais e plantas) do río Lagar.
Os resultados
obtidos leváronnos a concluír que o río se atopa en
Estado Moderado dentro da escala de cinco niveis da saúde dun río
(Malo-Deficiente-Moderado-Bo-Moi bo).
Os
participantes mostraron moito interese no proxecto e destacaron a grande
aprendizaxe obtida durante a actividade, acadando así un dos obxectivos
fundamentais do Proxecto Ríos: a educación ambiental.
Desde aquí convidámosvos a todos a participar na campaña de primavera.
Tedes máis información e fotos nas seguintes ligazóns:
- http://www.udc.es/export/sites/udc/_galeria_down/sociedade/medio_ambiente/actividades/MEMORIA_ACTIVIDADES__persoal_bolseiro_2011_2012.pdf
- http://www.proxectorios.org/
0 comentarios:
Publicar un comentario