A UDC únese a limpeza de praias

O vindeiro luns 8 de xuño, co motivo da celebración do Día Mundial dos Océanos, a Oficina de Medio Ambiente (OMA) colaborará coa asociación ecoloxista ADEGA na limpeza simultánea de praias que se desenvolverá ao longo de toda a costa galega.

O obxectivo desta xornada é concienciar á poboación sobre a problemática da contaminación mariña. Cada ano preto de 7 toneladas de residuos, principalmente plásticos, rematan nos océanos. A presenza de refugallos no mar estase a converter nun mal endémico, que trascende do seu efecto prexudicial sobre as especies mariñas, para se converter nun problema que afecta á saúde pública e á economía.

Perseguindo a sensibilización medioambiental da sociedade, a OMA convida a tódolos interesados a participar na limpeza da praia de Oza, unha playa urbana situada na cidade da Coruña. Aquí tedes a dirección.

O punto de encontro será a cafetería universitaria do Campus de Oza as 11h. En bus podes chegar fácilmente no 2A que che deixa en frente da cafetería. Senón tes o 17, 20, 22, 12 e 12A que deixa na rotonda, a 150m do punto de encontro.

Se estades interesados en participar nesta actividade é preciso inscribirse no seguinte correo  oma3@udc.es co voso NOME+DNI.

Web de ADEGA con toda a información.

Crónica da limpeza do ano pasado organizado pola OMA.

Máis info

Crónica da Xornada de eliminación de especies exóticas invasoras

O pasado mércores 18 de marzo tivo lugar a actividade de Eliminación de Especies Exóticas Invasoras que forma parte do proxecto de restauración participativa do Monte da Fraga da Oficina de Medio Ambiente da UDC coa colaboración da Asociación Ecoloxista ADEGA.

Nesta actividade primeiramente fíxose unha charla a cargo de Paco Bañobre membro de ADEGA, explicando a problemática das invasoras e despois tivo lugar unha parte práctica no Monte da Fraga no que se eliminaron rebrotes de eucaliptos, calas (Zantedeschia aethiopica), a herba da pampa ( Cortaderia selloane) e Buddleja (Buddleja davidii). Os nosos voluntarios e voluntarias fixeron unha gran labor porque conseguimos quitar un número bastante significativo de especies exóticas sobre todo tendo en conta que algunhas delas tiñas unha raíz moi profunda coma no caso da herba da pampa e a buddleja.

Esta zona estaba antigamente ocupada por eucaliptos que debido ós problemas que causaban nas instalacións próximas e na natureza foron cortados en cursos anteriores. Na Oficina de Medio Ambiente estamos recuperando esta zona e plantando especies autóctonas como por exemplo os exemplares de acivro ( Ilex aquifolium) e en cursos anteriores que foron plantados o loureiro común (Laurus nobilis) e loureiro real (Prunus laurocerasus), carballos (Quercus robur ),castiñeiros (Castanea sativa) e tamén cerdeiras ( Prunus sp) e érbedos (Arbutus unedo) que contribúen favorablemente debido a que os paxaros se alimentan dos seus froitos.

Agradecemos a todas aquelas persoas voluntarias que participaron e animámosvos a todos a seguir colaborando nas vindeiras actividades.

Todas as fotos copiando e pegando este enlace:

https://plus.google.com/u/0/photos/101727169314543003023/albums/6129383395752605553

Máis info

Xornada de eliminación de flora exótica invasora na UDC

O próximo día 18 de marzo a Oficina de Medio Ambiente da UDC xunto coa asociación ecoloxista ADEGA organizamos unha xornada de voluntariado ambiental de eliminación de flora exótica invasora no Monte da Fraga.

O obxectivo desta actividade é o coñecemento das especies exóticas invasoras (EEI). Este tipo de flora fai que se perda unha gran parte da biodiversidade da nosa contorna. 

Esta xornada de traballo comezará cunha charla introdutoria sobre a problemática no salón de actos da facultade de ciencias ás 15:30h, ao remate sairemos ao Monte da Fraga para comezar co traballo que rematará sobre as 18:30 aproximadamente. 

Animádevos a participar, precisamos a vosa colaboración! É importante que vos inscribades no correo oma3@udc.es escribindo o voso nome completo e DNI para que poidamos preparar a ferramenta.

No caso de non poder asistir á xornada completa, e queredes participar un tempo limitado, tamén podedes facelo enviando un correo indicando a vosa dispoñibilidade.

A xornada adiarase no caso de que as condicións climáticas non acompañen.

Para máis información en sucesivas ocasións, tede en conta as nosas redes sociais:

- Facebook: Oficina de Medio Ambiente UDC, bolseiros OMA

- Twitter: @OMA_UDC

- Blog: http://medioambienteudc.blogspot.com.es/

- http://www.udc.es/sociedade/medio_ambiente/actualidade/

- Correo: oma2@udc.es

Máis info

Proxecto ríos 2014

A Oficina de Medio Ambiente da Universidade da Coruña organiza, en colaboración coa Asociación Ecoloxista ADEGA e o Proxecto Ríos, unha xornada de Voluntariado Ambiental na UDC.

O Proxecto Ríos é unha iniciativa de concienciación, educación e participación cidadá en defensa dos nosos ríos. Fundaméntase na realización de inspeccións do estado dos ríos galegos por  parte de persoas ou grupos voluntarios a nivel local, co obxectivo final de facerse responsábeis  da vixianza (adopción) do río que pasa polo seu municipio ou localidade. Estas inspeccións realízanse como mínimo dúas veces ao ano, en base á metodoloxía e materiais de apoio proporcionados polo Proxecto Ríos que axudarán a cumplimentar as Follas de Inspección. Unha vez recibidas estas na sede do Proxecto, elaboraranse informes anuais cos datos subministrados por todos os/as participantes nas distintas campañas. Asemade, recolleranse nunha base de datos accesíbel na web Proxecto Ríos . Posteriormente os grupos que así o desexen poden participar no Programa de Adopción de Ríos, co que se fan responsábeis, nalgunha medida,de velar polo estado de aqueles treitos de río que escollan. Trátase dunha iniciativa que xorde en Cataluña en 1997 da man da Associació Hábitats. Logo de 11 anos de implantación, actualmente converteuse nunha iniciativa conxunta que se desenvolve de forma paralela en cinco territorios máis: a Rede Hidrográfica do Júcar, a Comunidade Autónoma de Madrid, Cantabria, El Bierzo – Laciana, Galiza e, fóra do Estado, en Portugal. Isto fai que hoxe día, o Proxecto Ríos conte con máis de 1.400 grupos de voluntarios en toda a península ibérica. O mércores 19 de novembro as 13:00, no río Lagar  (Campus de Elviña), terá lugar a actividade. O punto de encontro será a porta da facultade de economía e empresas. Esta actividade ten prazas limitadas, polo que se queres inscribirte envía un correo a oma3@udc.es Outros anos: http://medioambienteudc.blogspot.com.es/2012/02/iii-xornadas-de-voluntariado-ambiental.html http://medioambienteudc.blogspot.com.es/2012/03/resultados-inspeccion-do-rio-lagar.html

Máis info

Segunda xornada do "CURSO DE VOLUNTARIADO, EDUCACIÓN AMBIENTAL E INTERPRETACIÓN DO PATRIMONIO NA UDC"

O pasado Luns 27 tivo lugar a segunda xornada do "Curso de Voluntariado, Educación Ambiental e Interpretación do Patrimonio na UDC" no cal se explicou "Como pode comunicarse unha guía con éxito" coa colaboración de Araceli Serantes (profesora da Educación Ambiental na UDC).

Na primeira parte da xornada abordáronse as tácticas para que unha visita guiada sexa o máis amena posible e se consiga transmitir correctamente a información os visitantes. A medida que Araceli explicaba cada unha das tácticas apoiábase en pequenos exemplos prácticos nos que os asistentes puideron colaborar.

Na segunda parte aplicáronse os coñecementos adquiridos na primeira parte da xornada nun pequeno percorrido nas inmediacións da Facultade de Ciencias. Novamente os asistentes tiveron a oportunidade participar de forma activa e observar a utilidade das tácticas explicadas para realizar a visita guiada.

Moitas grazas pola vosa asistencia. Confiamos en que fose de utilidade para os asistentes e que participedes nas vindeiras actividades organizadas pola Oficina de Medio Ambiente.

Máis info

Primeira xornada do "CURSO DE VOLUNTARIADO, EDUCACIÓN AMBIENTAL E INTERPRETACIÓN DO PATRIMONIO NA UDC"

O pasado Luns 20 tivo lugar a primeira xornada do "Curso de Voluntariado, Educación Ambiental e Interpretación do Patrimonio na UDC" no cal se presentaron os actuais proxectos da Oficina de Medio Ambiente (OMA) como son: as áreas de compostaxe, a restauración do Monte da Fraga, a charca e as hortas urbanas. Tamén falamos da pegada ecolóxica, do programa de bicis da UDC e da importancia da utilización de papel reciclado. Explicamos cal é a labor do voluntariado ambiental e o seu importante papel na prevención de problemas ambientais.

Por último fixemos unha visita guiada polo Monte da Fraga, a charca e as áreas de compostaxe.
No curso contamos coa colaboración de Manuel Soto (director da OMA), María R.Lafuente (asociación ADEGA) e por último, Elvira Sahuquillo (experta en biodiversidade).

Moitas grazas a todos pola vosa asistencia e animámosvos a participar nas vindeiras actividades. 

A segunda xornada desde curso será o próximo luns 27 de outubro, baixo o título "Como pode comunicarse unha guía con éxito". Nesta xornada introducirédesvos na interpretación do patrimonio e nas técnicas para deseñar unha visita guiada. Constará de unha parte práctica no que visitaremos o campus. 

Esta xornada será impartida por Araceli Serantes (Boli) profesora de Educación Ambiental na UDC e socia da AIP (Asoc. Para la interpretación del Patrimonio).

Para apuntarvos tedes que enviar un correo a oma3@udc.es

Máis info

Voluntariado, educación ambiental e interpretación do patrimonio na UDC

Como inicio do curso 2014-2015 a oficina de medio ambiente (OMA) organiza unhas xornadas co obxectivo de formar ao persoal bolseiro e voluntariado e dar a coñecer as actividades desenvolvidas pola OMA. O curso estará aberto a toda a xente interesada.

A primeira xornada terá lugar o luns 20 de outubro, e nela presentaranse algúns dos actuais proxectos da Oficina, como son as áreas de compostaxe, a restauración do Monte da Fraga, a charca ou as hortas urbanas. A explicación correrá a cargo de Manuel Soto, director da OMA, e contará coa participación de Elvira Sahuqillo, experta en biodiversidade. Así mesmo, María R. Lafuente educadora ambiental da Asociación ecoloxista ADEGA explicará conceptos básicos e obxectivos do voluntariado e educación ambiental.

A segunda xornada será o luns 27 de outubro, baixo o título “Como pode comunicarse unha guía con éxito”, e introduciranos na interpretación do patrimonio e nas técnicas para deseñar unha visita guiada, cunha parte práctica consistente nunha visita guiada ao campus. Esta xornada será impartida por Araceli Serantes (Boli) profesora de Educación Ambiental na UDC e socia da AIP (Asoc. Para la interpretación del Patrimonio)

A duración do curso será de seis horas; 3h voluntariado e educación ambiental, 3h interpretación do patrimonio, incluídas as visitas prácticas. O curso está limitado a 25 prazas por orde de inscrición no correo oma3@udc.es

Terán preferencia as persoas que poidan asistir ás dúas xornadas e o persoal bolseiro da OMA e Greencampus.

Se dará un certificado de asistencia as xornadas a todas as persoas que o pidan previo aviso e asistan os dous días de curso.

Luns 20: Voluntariado e educación ambiental
Luns 27: Como pode comunicarse unha guía con éxito
Hora: 16:00h
Lugar: Salón de actos da Facultade de Ciencias
Inscricións: oma3@udc.es
Máis info: blog e facebook, twitter

Máis info

Resultados INSPECCIÓN DO RÍO LAGAR

O xoves 16 de febreiro levouse a cabo a inspección do río Lagar que pasa pola UDC. Esta actividade enmárcase dentro do Proxecto Ríos para levar a cabo unha avaliación voluntaria a nivel nacional e constante do estado dos ríos, neste caso , o río Lagar.

A actividade foi organizada pola Oficina de Medio Ambiente da UDC (OMA) xunto con ADEGA. Paco Bañobre encargouse de levar a inspección no río. 

Nela puídose traballar cos aspectos biolóxicos ,fisico-químicos e morfolóxicos do río como indicadores da calidade do mesmo.

Detalle da Inspección do Río Lagar

Os asistentes, estudantes da Universidade da Coruña, mostraron grande insterese na participación no proxecto pola súa conta establecendo emails de contacto para poder levar a cabo as súas inspeccións independentes do establecido e divulgado na UDC. 

Destaca a grande aprendizaxe por parte dos asistentes a través desta inspección e da charla previa ,  dando así como resultado o obxectivo esperado  nestas xornadas, educación e divulgación medio ambiental, e  inspección do río Lagar.

Máis info

III Xornadas de voluntariado ambiental na UDC curso 11/12

PROXECTO RÍOS

Voluntariado Ambiental UDC

A Oficina de Medio Ambiente da Universidade da Coruña organiza, en colaboración coa Asociación Ecoloxista ADEGA e o Proxecto Ríos, dúas novas xornadas de Voluntariado Ambiental na UDC.

O Proxecto Ríos é unha iniciativa de concienciación, educación e participación cidadá en defensa dos nosos ríos. Fundaméntase na realización de inspeccións do estado dos ríos galegos por parte de persoas ou grupos voluntarios a nivel local, co obxectivo final de facerse responsábeis da vixianza (adopción) do río que pasa polo seu municipio ou localidade. Estas inspeccións realízanse como mínimo dúas veces ao ano, en base á metodoloxía e materiais de apoio proporcionados polo Proxecto Ríos que axudarán a cumplimentar as Follas de Inspección. Unha vez recibidas estas na sede do Proxecto, elaboraranse informes anuais cos datos subministrados por todos os/as participantes nas distintas campañas. Asemade, recolleranse nunha base de datos accesíbel na web Proxecto Ríos . Posteriormente os grupos que así o desexen poden participar no Programa de Adopción de Ríos, co que se fan responsábeis, nalgunha medida,de velar polo estado de aqueles treitos de río que escollan. Trátase dunha iniciativa que xorde en Cataluña en 1997 da man da Associació Hábitats. Logo de 11 anos de implantación, actualmente converteuse nunha iniciativa conxunta que se desenvolve de forma paralela en cinco territorios máis: a Rede Hidrográfica do Júcar, a Comunidade Autónoma de Madrid, Cantabria, El Bierzo – Laciana, Galiza e, fóra do Estado, en Portugal. Isto fai que hoxe día, o Proxecto Ríos conte con máis de 1.400 grupos de voluntarios en toda a península ibérica. O mércores 15 de febreiro as 12:00, no salón de actos da Facultade de Ciencias (Campus da Zapateira), terá lugar unha charla informativa do Proxecto Ríos. O xoves 16 de febreiro, dende as 11:00 desenvolverase a actividade "Inspección do río Lagar", sendo o punto de encontro o Edificio de Servizos Centrais de Investigación (Campus de Elviña). É preciso inscrición previa para o día 16 oma.udc@hotmail.es / Tfn: 670 592 305

Máis info

XORNADAS DE VOLUNTARIADO AMBIENTAL NA UDC

A problemática da flora alóctona invasora é unha das principais causas de desaparición de biodiversidade no mundo. Aínda que a maior parte de estas especies exóticas invasoras semellan inofensivas, os efectos que teñen sobre a flora autóctona e sobre os nosos ecosistemas son moi preocupantes. Ademais, estas invasións biolóxicas prodúcense sempre pola acción do home, xa sexa dunha forma directa ou indirecta. Por isto, dende a oficina de medioambiente da UDC (OMA) traballando en colaboración con Proxecto Ríos preocupámonos pola conservación da biodiversidade da nosa flora, e intentando facer unha labor de concienciación da sociedade universitaria estamos a organizar unha Xornada de Voluntariado Ambiental, centrada desta volta na problemática das especies exóticas invasoras.

A primeira cita será o martes 31 de xaneiro ás 11:00h. No salón de actos da facultade de ciencias da UDC terá lugar unha mesa redonda sobre a flora exótica invasora. Os poñentes serán o Dr. Jaime Fagúndez Díaz, do departamento de botánica da UDC (redactor do libro: Plantas invasoras de Galicia. Bioloxía, distibución e métodos de control) e D. Francisco Bañobre González, vogal de voluntariado ambiental en ADEGA e coordinador de varios proxectos de eliminación de especies invasoras. A mesa será moderada por Lucía Parente Romero, coordinadora

do proxecto da UDC-ADEGA.

Despois desta mesa redonda teremos outra cita, o día seguinte (mércores 1 de febreiro) no campus da UDC. Combinamos ás 10:30 no edificio de servizos centrais de investigación para comezar unha Xornada de eliminación das exóticas invasoras no campus, nos dividiremos en grupos e comezaremos o traballo de campo para eliminación destas plantas. Para esta última actividade é precisoinscrición.(tlf:670592305;email: oma.udc@hotmail.es)

Agardámosvos!

Máis info