O pasado fin de semana tivo lugar a XI
Limpeza Simultánea de Ríos na que participaron máis de 500 persoas que recolleron máis de 6
toneladas de lixo en 30 ríos do país.
O venres 28 de
setembro, a OMA da UDC encargouse da recollida de lixo no río Lagar ao seu paso
polo Campus de Elviña. Arredor de 20 voluntarias e voluntarios déronse cita na
rotonda do Campus ás 11 da mañá e percorreron a beira do río ata o lavadoiro de
Elviña durante dúas horas e media, recollendo uns 100 kg de lixo
aproximadamente. Aínda que a zona estaba mais ou menos limpa a simple vista,
retiráronse residuos de abondo, a maioría deles de envases lixeiros, pero
atopando tamén outros tipos como restos de vehículos e de materiais de
construción.
Nunha próxima convocatoria incluída no Proxecto Ríos,
prevista para o vindeiro 24 de outubro (convocatoria aberta á participación, anunciarase
na web da OMA), farase a inspección deste treito
do río Lagar, onde se tomarán datos da calidade físico-química e biolóxica da
auga do río mediante o uso de indicadores como o pH, O2 disolto, diversidade
de macroinvertebrados, bosque de riebeira, entre outros.
0 comentarios:
Publicar un comentario