O mércores 24 de outubro a OMA
desprazouse ata o Campus de Elviña para unha xornada de inspección do Río
Lagar. Contamos con Paco Bañobre, coordinador do Proxecto Ríos, que se encargou
de dirixir a actividade. A xornada contou coa participación de 18 persoas, na
súa maior parte estudantes da facultade de ciencias.
Esta xornada iniciouse con un contratempo:
 |
| Imaxes: vertetuda atopada na inspección do Proxecto Ríos e toma de mostras da mesma. |
Ao chegar á beira do
río, puidemos observar in situ que se
estaba a producir unha vertedura dunha substancia de cor branca. Rastrexamos até
a orixe e inmediatamente avisamos ás autoridades competentes.
Unha vez avisadas as autoridades,
desprazámonos río arriba do punto onde se realizou a vertedura e Paco Bañobre explicou
a metodoloxía a seguir para facer unha avaliación do estado do río.
Nesta actividade determinouse o
estado do río Lagar en base a parámetros biolóxicos, empregando os
macroinvertebrados acuáticos como bioindicadores da calidade da auga.
Durante a mostraxe encontráronse
exemplares de diversos grupos de macroinvertebrados como odonatos,
efemerópteros, tricópteros, etc.
En base aos macroinvertebrados
encontrados, e empregando un índice adaptado do IBMWP (Iberian Bio-Monitoring Working Party) determinouse a
calidade da auga do Río Lagar, no seu paso polo campus de Elviña. Dando como
resultado unha calidade da auga moderada.
0 comentarios:
Publicar un comentario