O próximo 4
Novembro ás 15:30 h terá lugar a primeira xornada de Voluntariado Ambiental deste
curso 2015-16 na UDC.
A Oficina de
Medio Ambiente, en colaboración con ADEGA e o Proxecto Ríos, organiza un ano máis un encontro para a inspección do río Lagar, no Campus de
Elviña.
O Proxecto Ríos é
unha iniciativa de concienciación, educación e participación cidadá en defensa
dos ríos galegos. Fundaméntase na realización de inspeccións do estado dos ríos
por parte de persoas voluntarias. Estas
inspeccións realízanse dúas veces ao ano, en base á metodoloxía e materiais de
apoio proporcionados polo Proxecto Ríos que axudarán a cumprimentar as Follas
de Inspección.
Realizarase unha avaliación
pormenorizada atendendo a parámetros como o caudal, análise de augas (medición
do pH, temperatura da auga, cantidade de O2 disolto...), estudo de
fauna (mostraxe de macroinvertebrados) e flora (características do bosque de
ribeira).
O principal fin é
achegar a poboación ao entorno natural,
concienciando da importancia de adoptar actitudes encamiñadas a protexer e
mellorar o medio ambiente. Ademais
aprenderase a recoñecer a calidade biolóxica e fisicoquímica dos mesmos.
Máis información
en www.proxectorios.org
Data e hora: 4 de Novembro, 15:30 h.
O lugar de
encontro será na Facultade de Economía e
Empresas.
Lembrade levar
calzado axeitado e chuvasqueiro se chove algo. Se chove moito avisarase da
suspensión da actividade.
0 comentarios:
Publicar un comentario