O pasado mércores 7 de Outubro, co
obxectivo de traballar a mobilidade sostible no campus, tivo lugar a primeira
xornada de entrega de bicis e o roteiro organizado pola Oficina de Medio Ambiente
en colaboración coa Asociación Mobi-liza, unha asociación galega para a
mobilidade sostible, creada co propósito de defender os intereses dos peóns, as
persoas ciclousuarias e as que usan o transporte público.
Ás 16.30 horas comezouse o traballo de
xestión e reparto do equipo completo de ciclismo. Namentres, para completar
este servizo, o persoal de Mobi-liza deunos a coñecer os coidados básicos da
bicicleta así como as seguridades a tomar no uso cotidiano da mesma.
Cando concluimos o reparto, e como fase
final do obradoiro montamos todos nas nosas bicis para dar a coñecer aos novos
usuarios unha ruta segura dende o campus de Elviña á Praza da Palloza. Neste
roteiro os compañeiros de Mobi-liza contáronnos algunhas cuestión básicas á hora
de circular pola cidade coa bicicleta.
0 comentarios:
Publicar un comentario