08/04/2016

IV ENCONTRO SOLAR NA UDC

bolseirxs OMA-UDC
 O próximo 04 de maio terá lugar o IV Encontro Solar da UDC, no aparcamento do edificio Xoana Capdevielle, promovido pola Oficina de Medio Ambiente e organizado pola Asociación Ecoloxista ADEGA e o CIFP Someso, xuntarémonos para cociñar e facer unha degustación de comida solar. Paralelamente teremos unha exposición de diferentes aparellos solares e visitas a instalacións de enerxía renovable na UDC.
O ano pasado reuníronse 50 cociñas solares e 35 receitas diferentes. O obxectivo deste ano é reunir, polo menos, 100 cociñas e fornos, e algunha sorpresa máis. Axúdanos a conseguilo!.
Que non tes forno solar? No apartado de bioconstrución da web do CIFP Someso, ou na revista CERNA, tes á túa disposición as instrucións para a súa construción. O custo aproximado deste tipo de forno é duns 3 a 5 euros se te fas con materiais recuperados e os reciclas. Unha vez teñas o material, xúntate con uns amigos e en tres horas podedes ter o forno listo.
O IV Encontro Solar pretende ser un espazo de participación que divulgue as aplicacións da enerxía solar na vida cotiá e fomente o seu uso. Nesta mostra realizaranse diversas actividades que pretenden crear unha nova cultura enerxética que incida na redución e na eficiencia do consumo. Un cambio de comportamento preciso, encamiñado a mitigar o cambio climático.

O programa completo da xornada será o seguinte:
10:00h Montaxe dos fornos, cociñas e exposición dos aparellos solares*.
11:30h Introducimos a comida nos fornos e cociñas.
12:30h Enerxía solar fotovoltaica: Visita a cuberta CITIC guiada por  J.M. Giz**. Punto de encontro: mesa da OMA* situada no Encontro Solar.
14:00h Xantar colectivo e degustación de comida solar*.
16:30h Recollemos

Durante toda a xornada:
-          Exposición de aparellos solares, achegados polo CIFP Someso e ADEGA, e polas demais persoas e entidades participantes*.
-          Exposición itinerante "A Enerxía Solar", de ADEGA.
-          Mesa de experimentación e aprendizaxe de enerxía solar.

* Para participar na montaxe e exposición dos fornos, no xantar, e na visita, é necesario anotarse a través deste formulario (pincha aquí)
** J.M.Giz é Técnico Superior de mantementos da UDC.

Para a celebración do Encontro Solar necesitaremos que o SOL estea con nós, polo que, en función da previsión meteorolóxica, poderá ter que adiarse a xornada. Nese caso, anunciarase no Blog e Facebook da OMA. Estade pendentes...!

Data e hora: 04 de maio, de 10:00 a 16:30.
Lugar: aparcamento do edificio Xoana Capdevielle da UDC.
Máis información no blog da OMA: http://medioambienteudc.blogspot.com.es/
e no apartado de Bioconstrución da páxina web do CIFP de Someso: http://www.edu.xunta.es/centros/cifpsomeso/node/93

Instrucións para a construción dun forno solar:

Álbum fotográfico do III Encontro Solar (2015) na seguinte ligazón:





bolseirxs OMA-UDC / Author & Editor

Has laoreet percipitur ad. Vide interesset in mei, no his legimus verterem. Et nostrum imperdiet appellantur usu, mnesarchum referrentur id vim.

0 comentarios:

Publicar un comentario

Coprights @ 2016, Blogger Templates Designed By Templateism | Templatelib