O pasado martes
10 de novembro tivo lugar o roteiro polo Monte de Fraga situado entre a Facultade
de Ciencias e a de Filoloxía. Isto organizouse grazas á Oficina de Medio
Ambiente e a colaboración da profesora do departamento de Bioloxía Animal,
Vexetal e Ecoloxía da Facultade de Ciencias, a Dra. Elvira Sahuquillo.
O obxectivo foi
unha primeira aproximación no presente curso 15/16 ao espazo forestal do Monte
da Fraga. No Monte da Fraga leváronse a cabo unha serie de actuacións
ambientais para mellorar o contorno da
Universidade e tamén como apoio á docencia. Estas actuacións foron a plantación
de distintas especies de árbores e a creación de camiños para realizar
actividades de aprendizaxe, conservación do medio e de ocio nun entorno
natural.
Ó longo desta
actividade observamos os distintos tipos de árbores e especies vexetais do
monte da Fraga e puidemos diferenciar entre dous tipos de flora segundo a zona onde
se atopara, zona húmida ou seca. Todo isto coas explicacións da Dra. Sahuquillo
que coas súas aclaracións fixo que a actividade fora moi amena e participativa.
No roteiro tamén
visitamos a charca construída, hai xa dous anos, e a día de hoxe está chea de
vida, flora e fauna típicas de humidais, entre a súa biodiversidade atopamos
pequenas rás habitando entre os xuncos.
Ao longo do curso
2015-2016 a OMA levará a cabo varias actividades de coñecemento, protección e
mellora deste espazo, como pode ser a reforestación participativa, ou a
eliminación de especies invasoras, entre outras, e nas que podes participar
como voluntario/a ambiental.
Para máis
información sobre o Monte da Fraga, e tamén para coñecer outras actividades
similares, visita o noso Blog e Facebook.
0 comentarios:
Publicar un comentario