O mércores 24 de
abril a Oficina de Medio Ambiente realizou un sorteo para conceder un total de 26
hortas urbanas de 20 metros cadrados cada unha a diversos membros da
Universidade de A Coruña. O espazo habilitado para as hortas comunitarias
sitúase no Campus de Elviña fronte á Facultade de Economía e Empresa, xunto ao
Edificio de Apoio á Investigación.
Presentáronse un
total de 189 solicitudes, sendo 115 de estudantes, 38 de persoal docente e
investigador (PDI) e 36 de membros do persoal de administración e servizos
(PAS), pero finalmente un 50% das parcelas foron destinadas para os alumnos e o
outro 50% para profesores e persoal non docente.
Os adxudicatarios
poden facer uso das súas terras durante un período máximo de dous anos
renovables até un máximo de catro anos no caso de presentarse máis solicitudes
que parcelas ofertadas ou sen límite sé é no caso contrario.
As persoas
usuarias teñen a posibilidade de contar con tres ou catro persoas autorizadas
para axudar no traballo das hortas e dispoñen de varios puntos de auga
asignados ás súas parcelas, así como unha caseta que contén as ferramentas
necesarias para traballar as hortas.
Os titulares de
hortas teñen á súa disposición un réxime de uso das parcelas, entre os que
destacan a prohibición de plantación de árbores froiteiras nas parcelas, así
como aquelas non autorizadas legalmente na lexislación en vigor, o impedimento
de vender calquera produto obtido na horta xa que son exclusivamente para
consumo propio, ou a instalación de elementos que poidan deteriorar a paisaxe
ou instalacións existentes, entre outras.
Ao longo do
primeiro mes celebráronse tres reunións formativas da man do agrónomo Xan
Pouliquen para facilitar información sobre o acceso a medios produtivos e
insumos que permiten o funcionamento ecolóxico da horta comunitaria.
Os usuarios das
hortas e as terceiras persoas comezaron traballando as súas terras e plantando
fundamentalmente leitugas, tomates, cebolas, xudías e algunhas plantas
aromáticas como alfábega, ourego ou romeu.
Como proxectos
futuros, preténdese aproveitar a zona alta do terreo coa finalidade de cultivar
de forma conxunta plantas aromáticas. Amais, o terreo húmido baixo, máis preto
do río, empregarase tamén como zona común para poder plantar patacas, flores e
cola de cabalo, entre outros. Finalmente, no camiño dende a entrada ao terreo
ata o caseto, cultivaranse árbores froiteiras, de novo para o uso conxunto dos
adxudicatarios das hortas.
MESA DE CULTIVO
Ademáis, tras dous meses dende que realizamos a
actividade da “Horta na cidade”, aquí tendes unha foto de como se atopan os
cultivos que se plantaron na mesa de cultivo, na que podedes atopar leitugas,
pementos, tomates, cebolas, cabaciñas, brócoli e plantas aromáticas (lavanda,
tomiño limoeiro, ourego e menta).
ANTES
DESPOIS
0 comentarios:
Publicar un comentario